Joriy yilning 3-fevral kuni Toshkent davlat iqtisodiyot universiteti “Buxgalteriya hisobi va moliya” fakultetida yoshlar bilan ishlash bo‘yicha dekan o‘rinbosari B.Qo‘ziboyev, profilaktika inspektori D.Shodmonov, inspektor T.Karimov, ta’lim-tarbiya maslahatchisi B.Ablakulov hamda BI-224 guruh talabalari ishtirokida “Diniy ekstremizm va terrorizm – jamiyat taraqqiyotiga tahdid” mavzusida suhbat tashkil etildi.

Tadbir davomida diniy ekstremizm va terrorizmning davlat hamda jamiyat hayotiga salbiy ta’siri, uning ayanchli oqibatlari haqida fikr yuritildi. Talabalar bunday zararli g‘oyalardan yiroq bo‘lishga, mustaqil fikrlashga va ogoh bo‘lishga chaqirildi.

Shuningdek, bugungi kunda dunyoning ayrim mamlakatlarida kuzatilayotgan notinchlik va beqarorlik holatlari misol qilib keltirilib, yurtimizdagi tinchlik va osoyishtalikning bebaho ne’mat ekani ta’kidlandi. Mavjud imkoniyatlardan samarali foydalanish, yoshlarga yaratilayotgan sharoitlarning qadriga yetish zarurligi qayd etildi.

Tadbir yakunida talabalar o‘zlarini qiziqtirgan savollarga javob olish imkoniyatiga ega bo‘ldilar.