2024-2025 o‘quv yilida Iqtisodiyot fakulteti kunduzgi ta’lim shakli 60310100 – “Iqtisodiyot (qishloq xo‘jaligi iqtisodiyoti)” bakalavriat yo‘nalishida tahsil olayotgan 3-bosqich talabalari 2025-yil 3-fevraldan boshlab bahorgi semestr davomida dual ta’lim shaklida o‘qishlarini davom ettiradilar.

Mazkur tizim O‘zbekiston Respublikasi Oliy ta’lim, fan va innovatsiyalar vazirligining 2024-yil 27-dekabrdagi № 4/1-sonli Hay’at qaroriga, shuningdek, Toshkent davlat iqtisodiyot universiteti Samarqand filiali direktori tomonidan 2025-yil 27-yanvarda tasdiqlangan №19-T-sonli buyruqqa asosan tashkil etildi.

Dual ta’lim shakli asosida talabalar haftada uch kun dars mashg‘ulotlarida qatnashib, ikki kun malakaviy amaliyot o‘tashlari belgilangan.
Ushbu tizim korxona va tashkilotlar bilan hamkorlikda tashkil etilib, talabalarning nazariy bilimlarini amaliyot bilan mustahkamlashga qaratilgan.

Shu munosabat bilan Iqtisodiyot fakulteti dekani G‘.Ibragimov, Yoshlar bilan ishlash bo‘yicha dekan o‘rinbosari L.Eshonqulov, “Yashil iqtisodiyot va barqaror biznes” kafedrasi mudiri O.Pardayeva hamda amaliyot rahbari S.Ibragimov tomonidan talabalar bilan uchrashuv o‘tkazildi. Unda:

• Dual ta’lim tizimining mazmuni va ahamiyati
• Talabalar uchun amaliyot jarayonida qo‘yiladigan asosiy talab va majburiyatlar
• Amaliyot davomida bajarilishi lozim bo‘lgan ishlar va hisobot topshirish tartibi

haqida batafsil tushuntirish berildi.

Uchrashuv davomida talabalar dual ta’lim tizimi bilan bog‘liq savollar berib, ularga tegishli tartibda yechim topish bo‘yicha tavsiyalar berildi.

Mazkur amaliyot talabalarga kasbiy tajriba orttirish va kelajak faoliyatlariga puxta tayyorgarlik ko‘rish imkonini beradi.