2025-yil 6-fevral kuni TDIU Samarqand filialining Buxgalteriya hisobi va moliya fakulteti 3-bosqich, “Statistika (tarmoqlar va sohalar bo‘yicha)” ta’lim yo‘nalishi SA-122 guruhi talabalari uchun dual ta’lim shaklidagi (3+2) malakaviy amaliyot bo‘yicha tushuntirish ishlari olib borildi.

Mazkur amaliyot TDIU Samarqand filiali direktorining 2025-yil 25-yanvardagi “2024-2025 o‘quv yilida kunduzgi ta’lim shakli 3-bosqich talabalarining dual ta’lim shaklida amaliyotini tashkil etish to‘g‘risida”gi buyrug‘iga muvofiq tashkil etildi.

Shundan so‘ng talabalar Samarqand viloyati Statistika boshqarmasida amaliyot jarayonini boshlashdi. Amaliyot davomida ularga Samarqand viloyati Statistika boshqarmasi boshlig‘ining birinchi o‘rinbosari T.Siddikov, filial amaliyotlar bo‘limi boshlig‘i S.Karimov hamda amaliyotga rahbar professor-o‘qituvchilar tomonidan kerakli yo‘l-yo‘riqlar berildi.

Bu amaliyot talabalar uchun nazariy bilimlarini amaliyot bilan mustahkamlash va kasbiy ko‘nikmalarini rivojlantirish imkoniyatini taqdim etadi.