2025-yil 7-fevral kuni Toshkent davlat iqtisodiyot universiteti Samarqand filialida “Giyohvandlikka qarshi kurash” oyligi doirasida “Biz yoshlar giyohvandlikka qarshimiz” shiori ostida tadbir o’tkazildi.

Tadbirni yoshlar masalalari va ma’naviy-ma’rifiy ishlar bo’yicha direktorning birinchi o’rinbosari X.I. Turdibekov ochib, yoshlarni giyohvandlik illatidan ogoh bo’lishga chaqirdi. Shundan so’ng, Respublika ixtisoslashtirilgan ruhiy salomatlik ilmiy-amaliy tibbiyot markazi Samarqand viloyati filiali narkologi N.Z. Negmatova talaba-yoshlarga giyohvandlikning salbiy oqibatlari va kelib chiqish sabablari haqida batafsil ma’lumot berdi.

Samarqand shahar 2-son IIB xodimi T. Abduvaliyev va filial profilaktika inspektori D. Shodmonovlar giyohvandlikka qarshi ongni shakllantirish, jamiyatda yoshlarning umr yo’li uchun tuzoq bo’layotgan giyohvandlik savdosiga chorlovlar va yigit-qizlarni bu zahri qotilni iste’molchisiga aylantirishga urinishlar haqida batafsil ma’lumotlar taqdim etdilar.

Bundan tashqari, filialga biriktirilgan shifokor S.D. Mustafaqulova mamlakatimizda ushbu zararli illatga qarshi olib borilayotgan chora-tadbirlar haqida so’z yuritdi.