Toshkent davlat iqtisodiyot universiteti Samarqand filiali Iqtisodiyot fakulteti Oliy ta’lim, fan va innovatsiyalar vazirligining 2024-yil 6-dekabrdagi 457-sonli buyrugʻi va filial direktorining 125-U sonli buyrugʻining ijrosini ta’minlash maqsadida fakultet dekanati, kafedra mudirlari va tyutorlari birgalikda har bir guruhlar bilan uchrashgan holda, talabalarga qishki ta’til kunlari, yakuniy nazorat davri haqida ma’lumotlar yetkazildi. Talabalarga qishki ta’til vaqtida oʻz manzillariga yetib olishda xavfsizlik qoidalari eslatib oʻtilib, qishki ta’tilni zoye ketkazmasdan filial veb-saytiga yuklangan fanlar boʻyicha imtihonlar savollarini olib tayyorlanish, turli tashkil etiladigan onlayn olimpiadalarda faol qatnashish kerakligi yetkazildi. Fakultet guruhlaridagi oʻqish faoliyatida, jamoatchilik va sport tadbirlarida hamda filial hayotida faol boʻlgan bir guruh talabalarning ota-onalariga tashakkurnomalar berildi.