Ushbu konferensiya O‘zbekistondagi Erasmus+ Oliy ta’limni isloh qilish bo‘yicha Milliy ekspertlar jamoasi (HEREs)ning an’anaviy yillik tadbiri bo‘lib, Oliy ta’limda innovatsiyalarni joriy etish, hamkorlikni rivojlantirish va Erasmus+ loyihalarining natijalarini taqdim qilishga qaratilgan.

2024-yilgi konferensiya Yevropaning O‘zbekiston bilan Oliy ta’lim sohasidagi hamkorligiga 30-yil to‘lishi munosabati bilan tashkil etilmoqda. Konferensiyada Qozog‘iston, Qirg‘iziston, Tojikiston va Turkmanistondan hamkorlar ham ishtirok etadi.

Asosiy maqsadlar:
• Oliy ta’lim rivojini samarali qilish uchun fikr almashish.
• Innovatsion metodologiyalar, erishilgan natijalar va yangi yutuqlar haqida ma’lumot tarqatish.
• HEREs jamoasi faoliyatining 2024 yil uchun rejasini muhokama qilish.

Asosiy mavzular:
• Erasmus+ loyihalari orqali mintaqaviy hamkorlikni kuchaytirish.
• Ishlanmalar va ilmiy tadqiqotlarga kirish imkoniyatini kengaytirish.
• Xalqaro akademik harakatlar va moliyalashtirish.

Konferensiya gibrid formatda (onlayn va oflayn) tashkil etilgan.