Darsni "Yashil iqtisodiyot va barqaror biznes" kafedrasi dotsenti v.b. Pardayev Sherzod Xolmurodovich olib bordi. Ushbu darsda xalqaro va global bozorlarda marketing kommunikatsiyasi, uning vositalari, tizimi va sotuvni rag‘batlantirish haqida bahsli munozaralar, savol-javoblar asosida ma’ruza tashkil qilindi.

Ochiq ma’ruza darsida kafedra professor-o‘qituvchilari va "Ishonch" do‘konlar tarmog‘i Samarqand shahar bo‘limi “Tovarlarni reklama qilish va kommunikatsiya” bo‘limi boshlig‘i Suyunov Maqsudali va “Realizatsiya qilingan tovarlarga shartnoma qilish” bo‘limi xodimi Sharifjon Ortiqovlar ekspert sifatida taklif qilindi. "Ishonch" do‘konlar tarmog‘i xodimlari tovarlarni ilgari surishda qo‘llaniladigan zamonaviy kommunikatsiya va uning vositalari, joriy qilinayotgan aksiyalar, ularning tartib-qoidalari to‘g‘risida batafsil tushunchalar berdi.

Ochiq ma’ruza darsi savol-javoblar asosida qiziqarli va ko‘tarinki ruhda yakunlandi.