2024- yil, 6- dekabr kuni Toshkent davlat iqtisodiyot universiteti Samarqand filialida O‘zbekiston Respublikasi Konstitutsiyasining 32 yilligiga bag‘ishlangan tantanali tadbir bo‘lib o‘tdi. Bayram tadbiri  faollar zalida o‘tkazilib, talabalar, o‘qituvchilar va taklif etilgan mehmonlarni birlashtirdi. Talabalar tomonidan Konstitutsiyaga bag‘ishlangan she’rlar, qo‘shiqlar va sahna ko‘rinishlar namoyishlari tashkil qilindi. Ushbu chiqishlar barcha ishtirokchilar qalbida chuqur taassurot qoldirdi va bayramga yanada ko‘tarinki ruh bag‘ishladi.Bayram so‘ngida filialda o‘tkazilgan  Konstitutsiyaning 32 yilligiga bag‘ishlangan rasmlar va insholar tanlovlari g‘oliblari ham munosib taqdirlandi.Konstitutsiyaning 32 yilligiga bag‘ishlangan ushbu tadbir uning mamlakatimiz asosiy qonuni sifatidagi ahamiyatini yana bir bor eslatdi. Bunday bayramlar vatanparvarlikni tarbiyalashga, jamoa ruhini mustahkamlashga va umumiy qadriyatlarning ahamiyatini ta’kidlashga xizmat qiladi.  Filialda  bunday tadbirlarni o‘tkazish an’analarini davom ettirib, talabalar va xodimlarni mamlakatimiz tarixidagi muhim voqealar atrofida birlashtirishga katta e’tibor qaratmoqda.