Toshkent davlat iqtisodiyot universiteti Samarqand filialida "Direktor va yoshlar" uchrashuvi tashkil etildi. Mamlakatimizda davlatimiz rahbari tomonidan oliy ta’lim muassasalarida tahsil olayotgan talabalarning bandligini ta’minlash, ularning boʻsh vaqtini mazmunli o‘tkazish hamda barcha shart-sharoitlarni yaratib berish borasida salmoqli ishlar qilinmoqda.Shu munosabat bilan, Toshkent davlat iqtisodiyot universiteti Samarqand filialida filial direktori professor O. Murtazayev ishtirokida Iqtisodiyot fakulteti 1- bosqich talabalari, fakultet dekani, kafedra mudirlari, bo‘lim boshliqlari bilan ochiq muloqot uchrashuvini o‘tkazildi.Uchrashuvni Iqtisodiyot fakulteti dekani Gʻ.Ibragimov ochib berib, talabalarga filial ichki tartib qoidalari haqida tushunchalar berib oʻtdilar. Filial direktori professor O. Murtazayev o‘z nutqida,  filialda  so‘nggi yillarda talabalar hamda professor-o‘qituvchilarga yaratib berilayotgan qulayliklar, shart-sharoitlar, shuningdek, endilikda amalga oshiriladigan istiqboldagi rejalar xususida so‘z yuritdi. Shuningdek, hozirda ta’lim jarayonlariga tayyorgarlik ko‘rish hamda ta’limni sifatli davom ettirish, chin yetim va ijtimoiy himoyaga muhtoj talabalarga, albatta, ko‘mak berilishi ma’lum qilindi. Yoshlar masalalari va ma’naviy-ma’rifiy ishlar bo‘yicha direktorninig birinchi o‘rinbosari X.I.Turdibekov ham so’zga chiqib talabalarga bo‘sh vaqtlarida foydali ishlar bilan shug‘ullanishi, olimpiadalarga tayyorgarlik ko‘rishlari borasida takliflarini bildirib o‘tdi.