Tashrifdan ko‘zlangan asosiy maqsad Indoneziya universitetlarining Markaziy Osiyo davlatlari, xususan O‘zbekiston universitetlari bilan ilmiy hamkorlikni yo‘lga qo‘yishdan iborat. Uchrashuv yakuni bo‘yicha professor-o‘qituvchilarning stajirovka va malaka oshirishi, talabalar almashinuv dasturlari bo‘yicha ikki davlat universitetlarida talabalar o‘qishini tashkil etish, doktorantlarga xorijiy ilmiy maslahatchilarni tayinlash, birgalikda ilmiy tadqiqot olib borish va xalqaro nufuzli jurnallarda maqola chop ettirish, ilmiy seminarlar va konferensiyalar tashkil etish, o‘quv materiallari almashinuvini rivojlantirish kabi aloqalarni rivojlantirishga kelishib olindi.