Iqtisodiyot fakultetida “Farzandimning taqdiriga befarq emasman” shiori ostida talaba-yoshlarning ota-onalari bilan yig‘ilish tashkil etildi.

Toshkent davlat iqtisodiyot universiteti Samarqand filiali hamda talaba-yoshlarning ota-onalari bilan kongress yig‘ilish tashkil etildi. 2024-yilning 9-noyabr kuni TDIU Samarqand filialida “Talabalarning ota-onalarini oliy ta’lim muassasalari ichki tartib qoidalari, hemis va kredit–modul tizimi” mavzusida filial rahbariyati tomonidan Iqtisodiyot fakulteti 1-bosqich talabalarining ota-onalari bilan “Farzandimning taqdiriga befarq emasman shiori ostida kongress yig‘ilish tashkil etildi. Uchrashuvda Filial o‘quv ishlari bo‘yicha prorektor F.Axrorov, Ta’lim sifatini nazorat qilish bo‘lim boshlig‘i  I.G‘aniyev, Korrupsiyaga qarshi kurashish kompleks nazorat bo‘limi boshlig‘i, A.Askarov,filial profilaktika inspektori D.Shodmonov, O‘quv  ishlari bo‘yicha dekan o‘rinbosari I.S.Shukurov, Yoshlar masalalari bo‘yicha dekan o‘rinbosari B.Qo‘ziboyev, ta’lim tarbiya maslahatchilari, talaba-yoshlarning ota-onalari ishtirok etishdi. Yig‘ilishni filial o‘quv  ishlari bo‘yicha dekan o‘rinbosari I.S.Shukurov –  kirish so‘zi bilan ochib berdi. Filial o‘quv ishlari bo‘yicha prorektor F.Axrorov o‘z so‘zida ota-onalarni tashrifi bilan qutlab, ta’lim tizimida bo‘layotgan islohotlar, talabalar uchun yaratilayotgan imkoniyatlar haqida axborot berdi. O‘qitishning modul kredit tizimi, HEMIS dasturi va uning ahamiyatini tushuntirib, ota-onalar ushbu tizim orqali farzandlarining o‘qishini nazorat qilishlari mumkinligi haqida to‘xtalib  talabalarning darslarga qatnashishi haqida va boshqa tegishli bo‘lgan masalalar yuzasidan ularning ota-onalarini yaqindan, atroflicha tanishtirish va ota-onalar bilan farzandlari tarbiyasi borasida mustahkam hamkorlikni yo‘lga qo‘yish kerakligini ta’kidlab o‘tdi. Ta’lim sifatini nazorat qilish bo‘lim boshlig‘i  I.G‘aniyev, yig‘ilishda ishtirok etayotgan talabalarning ota-onalarini bugungi yig‘ilishdan ko‘zlangan asosiy maqsad, talabalarga yaratilgan shart-sharoitlar, xorijiy davlatlar bilan tuzilgan shartnoma va hamkorlik aloqalari hamda boshqa muhim ma’lumotlar berib o‘tdi.    Yig‘ilish so‘ngida ota-onalar farzandi o‘qishga kirgandan so‘ng, dunyoqarashi va fikrlashi ma’lum ijobiy o‘zgarishlar bo‘layotganini ta’kidlab, professor-o‘qituvchilarga minnatdorlik bildirdi. Talaba-yoshlar ota-onalari o‘zlarini qiziqtirgan savollarga mas’ullar tomonidan atroflicha javob olishdi.