O‘zbekiston Respublikasining Tokio shahridagi elchixonasining ma’lumotiga ko‘ra, 2025-o‘quv yilida Yaponiyaning Nagoya Shahar va Nagoya iqtisodiyot universitetlari tomonidan mazkur oliy ta’lim muassasalarida tahsil olish va ilmiy tadqiqotlar o‘tkazish uchun stipendiyalar e’lon qilingan.

 Mazkur grantlar Aichi prefekturasi ma’muriyati, Yaponiya xalqaro hamkorlik agentligi (JICA)ning “JDS”, Nagoya universitetining “Global 30”, Yaponiya Ta’lim, madaniyat, sport, fan va texnologiyalar vazirligining BMT Barqaror rivojlanish maqsadlariga erishish uchun stipendiya dasturlari doirasida ajratilishi ko‘zda tutilmoqda.

Stipendiya:

1. Grant Muddati: 2 yil 6 oy (6 oy tadqiqotchi talaba sifatida va 2 yil magistratura dasturi talabasi sifatida)
2. Fuqarolik: Arizachilar Yaponiyadan tashqarida yashayotgan Birlashgan Millatlar Tashkilotiga a’zo davlatlar fuqaroligiga ega bo‘lishlari kerak.
3. Stipendiya taklifi: Yashashga ajratilgan nafaqa (oyiga 150,000 yen), Yaponiyaga safar xarajatlari, o‘quv xarajatlari (kirish imtihonlari to‘lovlari, kirish to‘lovlari, tadqiqot va magistratura  uchun o‘qish to‘lovlari)
4. O‘qish joyi: Aichida joylashgan magistratura maktabi
5. Ariza topshirish tartibi: Arizachilar Aichidagi magistratura maktablariga hujjatlarini taqdim etadilar, shundan so‘ng oliy maktab arizalarni saralab stipendiya uchun tavsiya etadi.

Magistratura dasturi:

• Avtomatlashtirish muhandisligi
• Yer va atrof-muhitni o‘rganish
• Fizika va matematika
• Iqtisodiyot va biznes boshqaruvi
• Yaponiya-Osiyo madaniyatini o‘rganish
• Tilshunoslik va madaniyatshunoslik

Shuningdek Nagoya universitetlarida “Kampusdan tashqari”(off-campus scholarship) talabalarga GPA ballariga qarab maxsus belgilangan miqdorda qo‘shimcha stipendiyalar ham mavjud.

Aichi shahridagi magistratura maktablari tomonidan tavsiya etilgan nomzodlar orasidan sanoat, akademiya va hukumat vakillaridan iborat tanlov komissiyasi tanlovni amalga oshiradi.

Batafsil ma’lumot uchun rasmiy havola:

 https://admissions.g30.nagoya-u.ac.jp/admissions/graduateprograms

https://www.pref.aichi.jp/soshiki/kokusai/aichi-scholarship-program.html