2026-yil 14-aprel kuni TDIU Samarqand filiali Iqtisodiyot fakultetida yoshlar o‘rtasida radikallashuvning oldini olish, ularning huquqiy va ma’naviy savodxonligini oshirish hamda ijtimoiy-ma’naviy muhit barqarorligini ta’minlash maqsadida davra suhbati tashkil etildi. Tadbirni ijtimoiy-ma’naviy muhit barqarorligini ta’minlash bo‘yicha direktor maslahatchisi S. Tursunov olib bordi. Shuningdek, fakultet ta’lim-tarbiya maslahatchisi Z. Mamadxanova ham faol ishtirok etdi. Suhbat davomida radikallashuvning kelib chiqish sabablari, uning jamiyat va yoshlar hayotiga salbiy ta’siri hamda uni oldini olish yo‘llari atroflicha muhokama qilindi. Yakunda talabalarda ogohlikni kuchaytirish, mustaqil fikrlashni rivojlantirish va milliy hamda umuminsoniy qadriyatlarga hurmat ruhida tarbiyalash muhimligi ta’kidlandi.