RIM-125 guruhi magistratura talabalari “Axborot xizmatlari va servis innovatsiyasi” fani doirasida Najot Ta’lim markazida tashkil etilgan ko‘chma dars mashg‘ulotida ishtirok etdilar. Mazkur amaliy dars jarayoni talabalarning nazariy bilimlarini real ta’lim muhiti bilan uyg‘unlashtirish, zamonaviy raqamli yondashuvlarni bevosita amaliyotda kuzatish imkonini berdi.

Dars davomida talabalar Najot Ta’lim markazida joriy etilgan interaktiv o‘qitish usullari, loyiha asosida ta’lim berish tizimi hamda IT sohasiga yo‘naltirilgan metodlar bilan yaqindan tanishdilar. Shuningdek, raqamli strategiyalarni ta’lim jarayoniga integratsiya qilish tajribalari o‘rganildi. Ushbu ko‘chma dars mashg‘uloti talabalarda kasbiy qiziqishni oshirib, raqamli iqtisodiyot sharoitida raqobatbardosh mutaxassislar tayyorlashga xizmat qildi.