Toshkent davlat iqtisodiyot universiteti Samarqand filiali Iqtisodiyot fakultetining “Yashil iqtisodiyot va barqaror biznes” kafedrasi mudiri O.Pardayeva hamda Qo‘shma ta’lim dasturi tyutorlari M.Xakimov va S.Maxmudov Jomboy tumanidagi 7-umumta’lim maktabida targ‘ibot tadbirlarini o‘tkazdilar.

Uchrashuvning asosiy maqsadi yoshlarni oliy ta’limga keng jalb etish, ularni zamonaviy kasblar va raqamli iqtisodiyot imkoniyatlari bilan tanishtirishdan iborat edi. Tadbir davomida bitiruvchi sinf o‘quvchilariga TDIU Samarqand filialining ta’lim tizimi, mavjud yo‘nalishlari, o‘qish jarayonlari va qabul tartibi haqida batafsil ma’lumotlar berildi.

Shuningdek, ushbu ma’lumotlarni o‘z ichiga olgan maxsus bukletlar bitiruvchilarga tarqatildi. Bu kabi uchrashuvlar yoshlarda ongli kasb tanlash, kelajakdagi professional faoliyatlarini rejalashtirish va ilmiy izlanishlarga bo‘lgan qiziqishni oshirishda muhim ahamiyatga ega.

Bunday tadbirlar yoshlarning bilimga bo‘lgan intilishlarini rag‘batlantiradi va ularni zamonaviy iqtisodiyotning turli sohalariga jalb qiladi.