Ushbu tadbir Yoshlar bilan ishlash, ma’naviyat va ma’rifat bo‘limi boshlig‘i T.A.Yuldashev, filialga biriktirilgan profilaktika inspektori D.Shodmonov, ta’lim-tarbiya maslahatchisi A.Sa’dinov, shuningdek, Buxgalteriya hisobi va moliya fakulteti 2-bosqich talabalari ishtirokida tashkil etildi.

Tadbir davomida mamlakatimizda giyohvand va psixotrop moddalarning noqonuniy aylanishiga qarshi olib borilayotgan chora-tadbirlar xususida ma’lumot berildi. Shuningdek, bugungi kunda jamiyat va oilalar tanazzuliga sabab bo‘layotgan giyohvandlik illatiga qarshi kurashish zarurligi hamda ushbu xavf-xatarlarga nisbatan hushyor va ogoh bo‘lish davr talabi ekanligi ta’kidlandi.

Shu bilan birga, filial talabalari giyohvandlik vositalari, psixotrop moddalar hamda kuchli ta’sir qiluvchi preparatlar haqida o‘zlarini qiziqtirgan savollarga mutaxassislar tomonidan batafsil javob oldilar. Mazkur profilaktik tadbir yoshlarni zararli odatlardan himoya qilish hamda ularning huquqiy savodxonligini oshirishga xizmat qildi.