Toshkent davlat iqtisodiyot universiteti Samarqand filialida 2024-yilning 27-dekabr kuni “Professor-o‘qituvchilar uchun o‘quv jarayoniga kredit-modul tizimini to‘liq joriy etish tadbirlari” hamda “Oliy ta’limda inklyuziv ta’limni tashkil etish asoslari” mavzularida qisqa muddatli malaka oshirish kurslari mashg‘ulotlari bo‘lib o‘tdi. Mazkur mashg‘ulotlarda Yashil iqtisodiyot va barqaror biznes kafedrasi katta o‘qituvchisi S. Fazliyev va HEMIS tizimi doirasida topshiriqlar va resurslar funksiyalari bo‘yicha Q. Nosirov ma’ruza va amaliy mashg‘ulotlar o‘tkazishdi. Ushbu tadbirda ishtirokchilar kredit-modul tizimini amaliyotga samarali joriy etish bo‘yicha yangi bilim va ko‘nikmalarga ega bo‘lishdi. Shuningdek, inklyuziv ta’limning asosiy tamoyillari va amaliy jihatlari haqida tushunchalar berilib, o‘qituvchilarning malakasini oshirishga qaratilgan dolzarb masalalar muhokama qilindi.