2025-yil 29-iyun kuni Toshkent davlat iqtisodiyot universiteti Samarqand filialida “Summer School Samarkand” loyihasining tantanali yopilish marosimi bo‘lib o‘tdi.

Mazkur loyiha doirasida ikki hafta davomida filialning iqtidorli talabalari hamda Chexiya Respublikasidan tashrif buyurgan talabalar zamonaviy iqtisodiy fanlar bo‘yicha 6 kredit hajmidagi ta’lim dasturini muvaffaqiyatli yakunlab, nazariy va amaliy mashg‘ulotlarda faol ishtirok etdilar. Yopilish marosimida ishtirokchilarga diplom va sertifikatlar tantanali tarzda topshirildi. Tadbir ko‘tarinki ruhda o‘tib, talabalarning olgan bilim va tajribalari ular uchun kelgusidagi ilmiy va kasbiy faoliyatlarida muhim poydevor bo‘lib xizmat qilishi alohida ta’kidlandi.