TDIU Samarqand filialida “Ekofaol talabalar” bo‘limi va “Ekovolontyor talabalar harakati” tashabbusi bilan “Eko-etika va ekologik madaniyat” mavzusidagi navbatdagi seminar-trening bo‘lib o‘tdi. Tadbirda ekologik madaniyatni oshirish, yashil iqtisodiyot tamoyillarini targ‘ib qilish va talabalarni ekologik loyihalarda faol ishtirok etishga undovchi ma’ruzalar hamda amaliy mashg‘ulotlar o‘tkazildi. Mazkur tashabbus Prezidentning 2025-yil 15-maydagi PQ–184-son qarori asosida tasdiqlangan “2030-yilgacha ekologik madaniyatni yuksaltirish konsepsiyasi”ni amalga oshirishga xizmat qiladi.

2025-yil 18-oktabr kuni TDIU Samarqand filiali “Iqtisodiyot” fakulteti “Raqamli iqtisodiyot va axborot texnologiyalari” kafedrasi professor-o‘qituvchilari Qo‘shrabot tumanidagi 1- va 2-son ixtisoslashtirilgan maktab-internatlarida ilmiy hamkorlik va integratsiyani mustahkamlash maqsadida uchrashuvlar o‘tkazdilar.
Dotsentlar U. Ubaydulayev va X. Xudoyberdiyev tomonidan “Matematikaning inson hayotidagi o‘rni” mavzusida o‘quv-seminar tashkil etilib, o‘quvchilar bilan ochiq muloqot hamda savol-javoblar bo‘lib o‘tdi.
Uchrashuvlar mazmunan boy, ilmiy jihatdan samarali va motivatsion ruhda o‘tdi.

2025-yil 20-noyabr kuni TDIU Samarqand filiali va AQShning Washington University of Science and Technology (WUST) o‘rtasida o‘zaro hamkorlikni kengaytirishga qaratilgan Memorandum of Understanding (MoU) imzolandi. Ushbu kelishuv ikki tomonlama ilmiy tadqiqotlar, professor-o‘qituvchilar va talabalar almashinuvi, qo‘shma dasturlar hamda Double Degree loyihalarini amalga oshirish uchun mustahkam asos yaratadi.

TDIU Samarqand filialida korrupsiyaga qarshi kurashishga bag‘ishlangan ijodiy rasmlar tanlovi o‘tkazilmoqda. Ushbu tanlov talabalarning halollik, adolat va shaffoflik haqidagi qarashlarini san’at orqali ifodalashga qaratilgan. Eng yaxshi asarlar saralanib, g‘oliblarga esdalik sovg‘alari topshiriladi.

TDIU Samarqand filialida korrupsiyaga qarshi kurashga bag‘ishlangan “Antikorrupsiya bilimdoni” intellektual bellashuvi katta shou tarzida tashkil etildi. Tadbirda talabalar bilim, sahna mahorati va kreativ chiqishlari bilan faol ishtirok etib, korrupsiyaga nisbatan qat’iy pozitsiyasini namoyish etdi. Bellashuvda Iqtisodiyot fakulteti, Buxgalteriya va moliya fakulteti hamda Qo‘shma ta’lim dasturi jamoalari o‘zaro intelektual raqobat olib bordi.

TDIU Samarqand filialida o‘tkazilgan “Antikorrupsiya bilimdoni” intellektual tanlovida Iqtisodiyot fakulteti 1-o‘rinni, Qo‘shma ta’lim dasturi 2-o‘rinni, Buxgalteriya va moliya fakulteti esa 3-o‘rinni qo‘lga kiritdi.

29-noyabr kuni bo‘lib o‘tadigan yig‘ilishda Prezident qarorlari ijrosi, Konstitutsiyaning 33 yilligini nishonlashga tayyorgarlik va filialning ilmiy salohiyatini oshirishga qaratilgan “Yo‘l xaritasi”dagi vazifalar ijrosi muhokama qilinadi.

Bugun, 2025-yil 28-noyabr kuni, TDIU Samarqand filialida bitiruvchi talabalar uchun yilning eng muhim va kutilgan tadbirlaridan biri — “Mehnat yarmarkasi – 2025” muvaffaqiyatli o‘tkazildi. Yarmarka davomida talabalar turli korxona va tashkilotlar vakillari bilan yuzma-yuz muloqot qildilar, yangi ish imkoniyatlari haqida ma’lumot oldilar va o‘zlarini namoyish etish imkoniga ega bo‘ldilar.
Uchrashuvlar va kelishuvlar orqali yoshlar uchun karyera yo‘lida mustahkam zamin yaratildi. TDIU Samarqand filiali talabalarining kelajagi porloq — ular bugun ilk qadamlarini qo‘yishdi!

TDIU Samarqand filialida Ibn Xaldunning “Muqaddima” asariga bag‘ishlangan ilmiy-muhokama tadbiri muvaffaqiyatli o‘tkazildi. Talabalar mazmunli bahs-munozaralarda faol ishtirok etib, asardagi g‘oyalarni yangi talqinlarda tahlil qilishdi. Tadbir yakunida faol ishtirokchilar esdalik sovg‘alari bilan taqdirlandi. Ilmga qiziqish va izlanish bu yerda doimo qo‘llab-quvvatlanadi.

Toshkent davlat iqtisodiyot universiteti Samarqand filialida 2025-yil 26-noyabr kuni Yoshlar ittifoqi boshlang‘ich tashkiloti va “Ekofaol talabalar” bo‘limi tashabbusi bilan “Ekovolontyor talabalar harakati” tomonidan “Mahalliy chiqindilar muammosi va ekotashabbuslar” mavzusida plogging aksiyasi o‘tkazildi. Aksiya davomida volontyor talabalar hududni chiqindilardan tozalash bilan birga ekologik madaniyatni targ‘ib qilishga ham alohida e’tibor qaratdilar.